Zornotza Aretoa

Zornotza Aretoko fatxadaZornotza aretoa 1994ko urtarrilaren 7an inauguratu zen, Amorebieta-Etxanoko Udalak antzinako Zornoza zinema erosi eta birmoldatu ondoren.

Eszena arteen (antzertia, musika, dantza) emanaldietarako eta ekoizpenerako eta zinemaren alorreko erreferentziako espazio bihurtu da harrezkero Zornotza Aretoa, jendeak “Aretoa” izenaz ezagutua eta euskal antzokien SAREA izeneko sare publikoan parte hartzen duena.

Ikuskizunen emanaldiak, gehienetan ostiraletan, asteburuetako zinea eta astearteetako zine-kluba urritik ekainera bitartean eskaintzen dira, aisialdirako eta kulturarako eskaintza bariatua eskainiz. Horrezaz gain, aretoaren instalazioak beste hainbat jardueratarako ere erabili ohi dira: aurkezpenak, proiekzioak, hitzaldiak…

Bertan daude, baita ere, Markeliñe antzerki konpainiaren bulegoak. Izenpetuta dagoen erresidentzia hitzarmenari esker, aretoetarako ikuskizun guztiak bertan prestatu eta estreinatzen dira. Inguruetako beste antzerki konpainia batzuen lanak ere Zornotza Aretoan ekoitzi eta estreinatzen dira aldizka.

Ikusleentzako 353 besaulki daude, 253 patioan eta beste 100 anfiteatroan.

Zornotza Aretoko bazkideei  % 25eko beherapena egiten zaie zuzeneko ikuskizunetan, zinemarako 3 sarrera ematen zaie dohainik, eta 2 ikuskizunetara debalde joateko aukera.

EGITARAUA ETA SARRERAK: HEMEN

Aretoa3