Kultura eta kirol zerbitzuak

Udal sail honek Ametx izena ere hartzen du, 2019ko abenduaren 31ra arte horrela batzeritzon  Udalak euskara, kultura eta kirol zerbitzuen kudeaketarako zeukan erakunde autonomoari. Gaur egun Udal saila osatzen dute kultura eta kirol zerbitzuek.

Kultura eta kirol sailak ondorengo eraikinak, erakundeak eta programak kudeatzen ditu, besteak beste direla:

 

Kultura

Liburutegia

Udal Liburutegia Zelaieta Zentroaren udal eraikinaren parte bat da eta bere betebeharra informazio tresna guztiak erabiltzaileen esku jartzea, lanerako zein aisialdirako.

Gazteak eta umeak

Zelaieta zentroan Amorebieta-Etxanoko Udalaren Kultura eta Kirol Sailetik udalerriko gazteei zuzendutako zerbitzuak biltzen dira: Gazte Informazio Bulegoa (GIB), Gazte Txokoa, Ludoteka eta Orientazio zerbitzua.

Zinema eta ikuskizunak

Eszena arteen (antzertia, musika, dantza) emanaldietarako eta ekoizpenerako eta zinemaren alorreko erreferentziako espazioa da Zornotza Aretoa, euskal antzokien SAREA izeneko sare publikoan parte hartzen duena. Zelaieta zentroko kontzertu gelan ere urtean zehan hainbat ekitaldi eskaintzen dira.

Musika eskola

Zubiaur, Amorebieta-Exanoko Musika eta Dantza Udal Eskola 2006ko irailean jarri zen martxan, Zornotzako bizilagunen eskariari erantzunez Udalak gauzatutako proiektutik abiatuta.

KZ gunea

Zelaietako bigarren solairuan dago Amorebieta-Etxanoko KZgunea. KZgunea zentroen sarea, Eusko Jaurlaritzako Ogasun eta Finantza saileko Informatika eta Telekomunikazioen Zuzendaritzara atxikita dago. 2001. urtean jaio zen 2002-2005 Euskadi Informazioaren Gizartean Planaren barruan (EIGP) eta bertan euskal gizartea Informazioaren Gizartean integratzera zuzenduriko ekimen ugari jasotzen dira.

Kultur programak

Amorebieta-Etxanoko kultura eta kirol sailetik hainbat programa kudeatzen dira publiko ezberdinei zuzenduta: Erdu Olgetan, Gauero, Eleizetan, Gabonetan Jai, Ibiliaz ezagutu, Udalekuak, Mangamore, Haizetara, auzoetako jaiak, Inauteriak...

Kirolak

Kiroldegiak eta instalazioak

Honakoak dira Udaleko kirolari dagokionez sailaren helburuak: Kirola sustatu, Udalaren kirol zentroak erabiltzea bultzatu eta koordinatu eta bere ardurapean dituen instalazioak artatu, hobetu eta administratu. Hurrengo kirol guneak kudeatzen dira: Larrea, Gane eta Ixerbekoa kiroldegiak, Amorebieta IV, Gure kirolak eta herriko beste frontoiak, eta Larrea, Txolon eta Urritxe futbol zelaiak. 

Kirol programak

Udal arlotik kirol elkarteekin lan egiten da kirol ekitaldiak antolatzeko, kirol arloko diru-laguntzak, irabazteko asmorik gabeko elkarteei zuzendutakoak, kudeatu eta kirol ikastaroak eta eskolak antolatu.