'Amorebono 2022’, ekainaren 1etik abenduaren 15era
Amorebieta-Etxanoko Udalak 'Amorebono 2022' kanpaina jarri du abian, eta ekainaren 1etik abenduaren 15era bitartean egongo da indarrean. Udalak tokiko merkataritzaren alde egiten duen apustua berretsiz, laugarren edizio honek helburu izango du kontsumoa udalerriko saltokietara bideratzea. 160.000 euroko inbertsioari esker, 32.000 bono jarriko dira zirkulazioan.
Pertsona bakoitzak 11 bonu erosi ahal izango ditu, horietatik bost lehen sektoreko erosketetarako eta beste sei gainerako negozioetarako. Bonu bakoitzak 15 euroko kostua izango du eta 20 euroko balioa: hau da, 15 euro ordaindu eta 20 gastatu. Bonuak Amorebieta-Etxanoko Udaleko eta Zelaieta Zentroko kutxazain automatikoetan eskuratu daitezke.
