Amorebieta-Etxanoko Udalak Nafarroa kaleko aparkalekuaren inguruko irisgarritasuna hobetu du

2018/03/12
• Amorebieta-Etxanoko Udalak Nafarroa kalearen eta Jauregibarria etorbidearen artean espaloi berriak jarriko ditu aparkaleku inguruan • Oinezkoentzat hiru pasabide eraikiko dira irisgarritasuna hobetu eta inguruko segurtasuna indartzeko • Hasi berri den lana amaitzeko bi hilabete inguru beharko dira eta 105.000 euroko aurrekontua izango du.

Amorebieta-Etxano, 2018ko martxoaren 12a.  Amorebieta-Etxanoko Udalak Nafarroa kaleko aparkalekuaren ingurua urbanizatzeko lanak martxan jarri ditu.  Lan hauei esker, Udalak ingurua hobetu eta herritarrentzat erosoagoa eta irisgarriagoa izango da.  Espaloi berriak eta oinezkoen pasabide berriak eraikiko ditu oinezkoentzat irisgarriagoak izateko.  Altzari berriak ere jarriko ditu eta argiztapena hobetuko du inguruak segurtasun eta kalitate handiagoa izateko.

Amorebieta-Etxanoko Udalak Nafarroa eta Jauregibarria etorbidearen artean dagoen aparkalekuaren inguruko espaloiak amaituko ditu.  Helburua komunikazioa hobetu eta aparkalekurako sarbidea herritarrentzat irisgarriagoa egitea da. Horretarako, aparkalekuaren iparraldean eta mendebaldean espaloi bi egingo dira, 3 m-ko zabalera dutenak.

Oinezkoen pasabidea hobetu eta inguruko segurtasuna indartzeko oinezkoen hiru pasabide berri ere eraikiko dira. Pasabide horietatik bi jasotakoak izango dira oinezkoen irisgarritasuna bermatzeko eta  bat Aita Santi Onaindia oinezkoen kalearen luzapenean egongo da eta bestea aparkalekurako sarbidean.  Hirugarren oinezkoen pasabidea irisgarriagoa eta seguruagoa izango da eta aparkalekuaren eta Enrike Renteria eta Nafarroa kaleen arteko komunikazioa hobetuko du.  

Udalak inguruko argiteria eta hiri altzariak ere hobetuko ditu.   

Lan hauek amaitzeko bi hilabete inguru beharko dira eta 105.000 euroko aurrekontua izango dute.