Amorebieta-Etxanoko Udalak bere profila ireki du Spotifyn

2022/07/11
Udalak sare sozialetan presentzia handitzen jarraitu nahi du, eta era berean askotariko musika eskaini kontsumo arduratsua bultzatzeko eta berdintasunezko gizarte baterako eraldaketan bere ekarpena egiteko.

Amorebieta-Etxanoko Udalak sare sozialetan presentzia areagotzeko helburuarekin jarraitzen du, aro digital berri honetan atzean ez geratzearen garrantziaz jabetuta. Martxotik Facebook, Instagram eta Twitter plataformetan profilak ditu, eta hiru horiei Spotify musika eta podcasten plataforma gehitu zaie orain. Honela, baliabide digital honen bidez, herritarrak animatu nahi ditu tokiko musika, arduratsua, errespetuzkoa eta ez-sexista kontsumitzera.

Amorebieta-Etxanoko Udalaren Spotify kontu berriak publiko orokorra eta, bereziki, gazteak animatu nahi ditu datozen jaietarako hautatutako zerrenda baten bidez musika kontsumitzera. Plataforma horretan abesti ez-sexistak sartzen dira, Zor Hontzaren abestia, Beldur Barik programaren abesti zerrenda. Beldur Barik Euskadiko erakundeek bultzatutako ekimena da, eta gazteen artean indarkeria sexista prebenitzera zuzenduta dago. Modu honetara, gazteekin batera hausnarketak eta eztabaidak sustatzea du helburu, gizartea eraldatzen laguntzeko, matxismoari aurre egiteko eta berdintasunezko gizarte bihurtzeko. Azken batean, programak Beldur Barik jarrera bultzatu nahi du, eta, horretarako, hainbat baliabide erabiltzen ditu, hala nola musika. Herritarrek Amorebieta-Etxanoko Udalak aukeratutako abestien zerrendaz gozatzeko egin behar duten gauza bakarra Spotifyn duen profila jarraitzea da.

Hedapen-kanalak zabaltzea, optimizatzea eta eguneratzea lehentasuna da Udalarentzat, horri esker zornotzarrek eskura izango baitute lehen eskuko informazio guztia, aro digital berrian gehien erabiltzen diren kanalen bidez. Gainera, sare sozialetan duen aukera areagotuz, Udalak herritarrekiko interakzioa sustatuko du. Ildo horretan, ia bat-batean, informazioa zabalduko du albisteen, agendaren, bandoen, argazkien eta bideoen bidez. Halaber, beste sare sozialetako profilen inguruko informazioa gogorarazi nahi izan du: